သက္ကရာဇ် ၅၃၆ ခု မှာ နရပတိစည်သူဟာ နောင်တော်မင်းယဉ်နရသိင်္ခကို လုပ်ကြံ၍ နန်းတက်ခဲ့ပါတယ်။ လုပ်ကြံရတဲ့ အကြောင်းအရင်း ကတော့ ဝေဠုဝတီ ဆိုတဲ့ မိဖုရားတစ်ပါးကြောင့် ဖြစ်ပါတယ်။ ဒါကြောင့် လည်း သူတို့ညီနောင်ကို ဣထ္ထိယအတွက် သိက္ခာမစောင့်စည်းသူများ အ ဖြစ်မှတ်တမ်းတင်ခံခဲ့ရပါတယ်။
နရပတိစည်သူ နန်းတက်တော့ သူ့နောင်တော် မင်းယဉ်နရသိင်္ခရဲ့ခင်မင်ရင်းနှီးသူတွေကို အယုံအကြည်မရှိတာကြောင့် သတ်ခိုင်းခဲ့ပါတယ်။ ဒီအထဲမှာ အထိန်းတော်သား အနန္တသူရိယ အမတ်ကြီးလည်း ပါဝင်ခဲ့ပါတယ်။ သတ်စေဟု သူသတ်တို့လက်ရောက်တဲ့အခါအမတ်ကြီးဟာ သူသတ်တို့ကိုခတ္တဆိုင်းငံစေကာ ကဗျာတစ်ပုဒ်ရေးပြီးမင်းကြီးအား ဆက်သပါဟု မှာခဲ့ပါတယ်။
ထိုကဗျာကား" မျက်ဖြည်လင်္ကာ "ဟု အများသိကြသည့် ကဗျာပင်...
(၁) သူတည်းတစ်ယောက် ၊ ကောင်းဖို့ရောက်မူ ၊ သူတစ်ယောက်မှာ ၊ ပျက်လင့်ကာသာ ၊ ဓမ္မတာတည်း။
(၂) ရွှေအိမ်နန်းနှင့် ၊ ကြငှန်းလည်းခံ ၊ မတ်ပေါင်းရံလျက် ၊ ပျော်စံရိပ်ငြိမ် ၊ စည်းစိမ်မကွာ ၊ မင်းချမ်းသာကား ၊ သမုဒ္ဒရာ ၊ ရေမျက်နှာထက် ၊ ခဏတက်သည် ၊ ရေပွက်ပမာ ၊ တစ်သက်လျာတည်း။
(၃) ကြင်နာသနား ၊ ငါ့အားမသတ် ၊ ယခုလွှတ်လည်း ၊ မလွတ်ကြမ္မာ ၊ လူတကာတို့ ၊ ခန္ဓာခိုင်ကျည် ၊ အတည်မမြဲ ၊ ဖောက်လွဲတတ်သည် ၊ မချွတ်စသာ ၊ သတ္တဝါတည်း။
(၄) ရှိခိုးကော်ရော် ၊ ပူဇော်အကျွန် ၊ ပန်ခဲ့တုံ၏ ၊ ခိုက်ကြုံဝိပါက် ၊ သံသာစက်မှ ၊ ကြိုက်လတ်တွန်မူ ၊ တုံ့မယူလို ၊ ကြည်ညိုစိတ်သန် ၊ သခင်မွန်ကို ၊ ချန်ဘိစင်စစ် ၊အ ပြစ်မဲ့ရေး ၊ ခွင့်လျှင်ပေး၏ ၊ သွေးသည်အနိစ္စာ ၊ ငါ့ခန္ဓာတည်း။
သူသတ်တို့က မင်းကြီးအား ဤစာကို ဆက်၏။ ဖတ်၍မင်းကြီးကြားသော် မှားမှန်းသိ၍ နောင်တရပီး လွှတ်စေဟု အမိန့်ပေးလိုက်ပါတယ်။ သို့သော် သူသတ်တို့က သတ်နှင့်ပြီး ဖြစ်ပါတယ်။
ကဗျာ၏ အဓိပ္ပါယ်မှာ ရိုး၏၊ ရှင်း၏၊ ထို့အတူ အဓိပ္ပါယ်လည်းသွားလှ၏။ မင်းကြီးမှာအ မြဲတအောက်မေ့မေ့ နောင်တကြီးစွာရနေပါသည်။ ထို အချိန်ကစလို့ "နောင် ငါကသတ်စေဟု အမိန့်ရှိသော်လည်း တစ်လလေးသီတင်းထား၍ စစ်ကြောဘိ၊ သေတန်မှ သေစေ" ဟု အမိန့် ထုတ်တော်မူပါတယ်။
ဒီကဗျာအတိုင်းပင် လောကမှာ သူတစ်ယောက်ကောင်းဖို့ အခြားသူတစ်ယောက်မှာ ပျက်ရပါတယ်။ တစ်ခါတစ်လေ တစ်ယောက်သာမဟုတ် များစွာပင် ပျက်ရတာ မျက်မြင်မဟုတ်ပါလား...
