“ကြက်ဆူထက် ဒုက္ခပေးမယ့် ယူကလစ်”
ပြီးခဲ့တဲ့ လပိုင်းက ပြင်ဦးလွင်က ပွဲကောက်ရေတံခွန်ကို အလည်ရောက်ဖြစ်ခဲ့ပါတယ်။ ပွဲကောက်ကို ရောက်တဲ့အခေါက်တိုင်း ရေတံခွန်တွေဟာ တခေါက်ထက်တစ်ခေါက်ရေကျတာနည်းနည်းလာတာကို သတိထားမိပါတယ်ရေကျတာနည်းလာတော့ရေတွေကလည်းနောက်လာပြီးအရင်လိုလှပမှုနည်းလာပါတယ်။ လွန်ခဲ့တဲ့ငါးနှစ်ကျော်လောက်ကနဲ့တော့ လုံးဝမတူတော့တာအသေချာပါ။ လည်ပတ်ပြီးတော့ ပွဲကောက်ရေတံခွန်ကနေဖြတ်သွားရတဲ့ မိတ်ဆွေတစ်ဦးရဲ့ရွာကိုသွားလည်ဖြစ်ခဲ့ပါတယ်။
ရွာရောက်တော့မိတ်ဆွေနဲ့စကားပြောကြရင်းကျွန်တော်ကပွဲကောက်ရေတံခွန်ကတနှစ်ထက်တနှစ်ရေကျတာနည်းလာတဲ့အကြောင်းပြောတော့မိတ်ဆွေကဟုတ်တယ်အကိုရေနွေအခါဆိုညပိုင်းအထက်ကနေ ရေပိတ်ထားရပြီး နေ့ခင်းဧည့်လာတဲ့အချိန်မှ ရေလွှတ်ရတာလို့တောင်သိရတယ်ဗျဒီပုံအတိုင်းဆို နောက်ဆယ်နှစ်လောက်ဆိုဒီပွဲကောက်ရေတံခွန်ကပျောက်ကွယ်တောင်သွားနိုင်တယ်တဲ့ကျွန်တော်တို့ပတ်ဝန်းကျင်က သဘာဝစိမ့်စမ်းတွေလည်း တဖြည်းဖြည်းခမ်းကုန်ပြီအကိုရာ။ ဒါနဲ့ကျွန်တော်က ခုလိုဘာလို့ဖြစ်ရတာလဲလို့ မေးမြန်ကြည့်တော့။
အဓိကကတော့ရာသီဥတုဖောက်ပြန်လာတာတွေကြောင့်ရောလူလုပ်တဲ့ပရောဂတွေကြောင့်ရောပေါ့ဗျာလူ့ပရောဂတွေကဘာတွေတုန်းဗျဆိုတော့အကိုပွဲကောက်လာတော့လမ်းဘေးမှာယူကလစ်စိုက်ခင်းတွေတွေ့တယ်မလားအဲ့အပင်တွေကရေသောက်ဘီလူးတွေဗျမိုးရေကိုအဓိကအားထားရတဲ့တောင်ပေါ်ဒေသတွေမှာ အဲ့ရေသောက်ဘီလူးတွေကြောင့်တောင်ပေါ်ဂေဟစနစ်တွေပျက်စီးနေပြီအကိုရေ။ မိတ်ဆွေမှရေသောက်ဘီလူးပင်တွေလို့ပြောလိုက်တဲ့အချိန်မှာမကြာမှီကဘဘဦးကိုလေး(အင်းဝဂုဏ်ရည်) ပြောတဲ့စကားကို ပြန်သတိရမိတယ်။ ဘကိုလေး နဲ့မန္တလေးမှာတွေ့တုန်း စကားစပ်မိကြရင်းနဲ့ “ဟေ့ကောင်ကျော်ကြီးရ ဂရိတ်ဝေါကုမ္ပဏီကစိုက်တဲ့ ယူကလစ်ပင်တွေက ရေသောက်ဘီလူးတွေလို့ စိုက်ပျိုးရေးက ပညာရှင်ငါ့တူမက ပြောတယ်ကွ။ အဲ့အပင်တွေကြောင့် များမကြာမှီမိုးနည်းရေရှားတဲ့ ဒို့အလယ်အပိုင်းဒေသ သဲကန္တရဖြစ်သွားလိမ့်မယ်။နာလည်းတက်ကျွမ်းတဲ့ သူတို့တွေပြောတာလည်း အထက်လူကြီးတွေက နားမထောင်ဘူးတဲ့။အဲ့အကြောင်းလေးအများသိအောင်မင်းစုံစမ်းရေးစမ်းပါအုံး အားလုံး ဒုက္ခရောက်ကုန်ကြပါလိမ့်မယ်”ဟုပြောခဲ့ပါတယ်။
ဘကိုလေးက ပြောသာပြောသွားတာ ကိုယ်တွေက သစ်ပင်နဲ့ပတ်သတ်လို့ ဘာမှသိတာမဟုတ်တော့ ဟုတ်ကြိုးစားကြည့်ပါအုံးမယ်လို့သာပြောခဲ့တာတော်တော်နဲ့မရေးဖြစ်ခဲ့ပါဘူးခုတော့တကယ်လက်တွေ့ခံစားတွေ့မြင်နေရတဲ့ပြည်သူတွေရဲ့စကားကိုကိုယ်တိုင်တွေ့မြင်ကြားသိရပြီသူတို့ပြောတဲ့ရေသောက်ဘီလူးတွေကဘယ်လောက်တောင်ဆိုးလို့လဲဆိုပြီးစိတ်ဝင်စားသွားကာအင်တာနက်မှာယူကလစ်နဲ့ပတ်သတ်ပြီးရေးထားတာတွေကိုရှာဖတ်မိပါတယ်ယူကလစ်အကြောင်းအသိပညာရှင်တွေရဲ့လောရေးသားထားတာတွေဖတ်မိမှထင်ထားတာထက်ပိုကြောက်စရာကောင်းနေတာတွေ့ရပါတယ်ကျွန်တော်တို့သာမာန်ပြည်သူတွေ လုံးဝမသိသေးတဲ့ဆိုးကျိုးတွေ အများကြီးတွေ့ရှိရပါတယ်။ယူကလစ်ပင်များဟာ သဘောင်္ဆေး၊ စက္ကူသစ်ပါးလွှာထုတ်လုပ်မှုစက်မှုလုပ်ငန်းထုတ်ကုန်တွေအတွက် အသုံးဝင်ပါတယ်။ ဒါဟာယူကလစ်ရဲ့ အကျိုးပြုအသုံးဝင်ပုံပဲဖြစ်ပါတယ်။
ယူကလစ်အပင်ရဲ့ဆိုကျိုးပေးမှုများကတော့ယူကလစ်ပင်ဟာရေသောက်ဘီလူးလို့ခေါ်ဆိုသည့်အတိုင်း မြေအောက်ရေကို စက္ကန့်ပိုင်းအတွင်း စုပ်ယူနိုင်ပါတယ်။ သူ့ရဲ့ အမြစ်ဟာ ရှုပ်ထွေးပြီးမြေအောက် ၈ ပေခန့်အထိထိုးဝင်ပြီးစုပ်ယူတဲ့အတွက် ရေတွင်းရေကန်များ စိမ့်စမ်းများ ခမ်းချောက်စေနိုင်ပါတယ်။ မြေအောက်ရေမျက်နှာပြင်ကိုနိမ့်ကျစေပါတယ်အခြားသစ်ပင်များမစုပ်ယူနိုင်အောင်မြေအောက်ရေကိုလုယူပြီးစုပ်ယူတဲ့အတွက်သူ့ဘေးမှအခြားပင်များရေရှည်ဖြစ်ထွန်းအသက်ရှင်ဖို့မလွယ်ပါဘူးရေတင်မက မြေဆီမြေသြဇာများ ဓာတ်သထ္တူများပါ အလွန်အမင်းစုတ်ယူပါတယ်။ ဒါအပြင် ယူကလစ်ပင်ဟာ အက်ဆစ်ဓာတ်များထုတ်လွင့်ပြီးယူကလစ်အရွက်ဟာဆွေးမြေ့ဖို့ခဲယဉ်းပြီးအပူကိုထုတ်လွင့်ပေးပါတယ်ဒါကြောင့်ယူကလစ်ပင်အောက်နဲ့ပတ်ဝန်းကျင်မှာအခြားသစ်ပင်များရှင်သန်မှုမရှိနိုင်ဘူးလို့သိရပါတယ်။
ယူကလစ်ပင်ဟာအေးမြတဲ့အရိပ်အာဝါသမရရှိတဲ့အပြင်အပူထုတ်လွင့်မှုများခြင်းမီးလောင်လွယ်မှုတို့ကြောင့်သဘာပတ်ဝန်းကျင်အတွက်အလွန်အန္တရာယ်များပါတယ်အပူပိုင်းဒေသမြန်မာနိုင်ငံအလယ်ပိုင်းနဲ့တောင်ပေါ်ဒေသများအတွက်အလွန်အန္တရာယ်များပြီးကောင်းကျိုးမပေးတဲ့အပင်ဖြစ်ပါတယ်ရေအလွန်အမင်းစုတ်ခြင်းမြေသြဇာမြေဆီမြေနှစ်အလွန်စုတ်ယူသုံးစွဲမှုကြောင့်မြန်မာနိုင်ငံအလယ်ပိုင်းအပူပိုင်းဒေသမှာဖြစ်ထွန်းတဲ့ မိုးနည်းဒဏ်ခံနိုင်တဲ့ သနပ်ခါးပင်၊ ထန်းပင်များ တောင်ပေါ်ဒေသမှာဖြစ်ထွန်းတဲ့ လက်ဖတ်၊ ပိုးဇာပင်များ၊ ပိုးမွေးမြူရေးလုပ်ငန်းများ ဒုက္ခရောက်ပျက်စီးစေနိုင်မှာဖြစ်ပါတယ်။
ကုန်ဆုံးသွားသောသစ်တောတွေနေရာမှာယူကလစ်ကိုအစားထိုးစိုက်ပျိုးလာသည်နှင့်အမျှမြေအောက်နေပိုးမွှားအင်းဆက်များတောတွင်းနေထိုင်သောသားငှက်တိရိစ္ဆာန်များနေထိုင်မှီခိုအစာရှာဖွေစားသောက်ရာမှာ ပြသနာဖြစ်နိုင်ပြီး တောတွင်းသားရဲတိရိစ္ဆာန်များပါ မျိုးတုံးပျောက်ကွယ်နိုင်ပါတယ်။
ယူကလစ်ပင်ကိုမိုးနည်းရေးရှားဒေသများမိုးရေကိုအဓိကထားရတဲ့တောင်ပေါ်ဒေသများတွင်ယူကလစ်ပင်ထူထောင်စိုက်ပျိုးမှုလုံးဝမလုပ်သင့်ကြောင်းကမ္ဘာ့ရုက္ခဗေဒပညာရပ်ဆိုင်ရာစာအုပ်များတွင်ထေားဖော်ပြထားပါတယ်ရေရှည်ခံစိုက်ပျိုးရေးစနစ်ကိုပျက်စီးစေချင်းပတ်ဝန်းကျင်သဘာဝကိုပျက်စီးစေခြင်းကြောင့် negativeသီးနှံ အဖြစ် လုံးဝ မစိုက်သင့်ကြောင်း သိပ္ပံပညာရှင်များ ကောက်ချက်ချခဲ့ပါသည်။
ဒါတွေဟာပညာရှင်တွေရဲ့တွေ့ရှိလေ့လာချက်တွေပဲဖြစ်ပါတယ်ကျွန်တော်ကတော့ပညာရှင်မဟုတ်ပါဘူးဒါပေမယ့်ပြည်သူတစ်ယောက်အနေနဲ့ရိုးရိုးလေးစဉ်းစားမိတာကဒီလိုပြည်တွင်းပြည်ပပညာရှင်များကတောင် မစိုက်သင့်တဲ့အပင်လို့တာဆီးထားတာကို ကျွန်တော်တို့နိုင်ငံမှာ တစ်စခန်းထပြီးဘာလို့ အသည်းအသန်စိုက်ပျိုးဖို့လုပ်နေကြတာလဲဒီလိုရေသောက်ဘီလူးပင်များကိုမိုးရေကိုအဓိကအားထားရေတဲ့ တောင်ပေါ်ဒေသတွေ မိုးနည်းရေရှားအပူပိုင်းဒေသဖြစ်တဲ့ မြန်မာနိုင်ငံအလယ်ပိုင်းဒေသတွေမှာ ဘာာဖြစ်လိုိ့စိုက်ဖို့လုပ်ကြတာလဲ။
နှစ်စဉ်မိုးရေချိန်များစွာရတဲ့မြန်မာပြည်အောက်ပိုင်းဒေသများဧရာဝတီရခိုင်တနင်္သာရီတို့နှင့်ရေလွှမ်းမိုး၍ နှစ်စဉ် ရေဘေးဒုက္ခ ရောက်လေ့ရှိသည့် ဒေသတွေမှာ ရေစုပ်အားကောင်းသော ယူကလစ်ပင်ကို စိုက်ပျိုးခြင်းဖြင့် နှစ်ဦးနှစ်ဖက်အကျိုးရှိစေမှာပါ လို့ ပညာရှင်တွေက ပြောထားပါတယ်ဒီလိုဒေသတွေမှာ ဘာလို့သွားမစိုက်တာလဲ။
နောက်တစ်ချက်ကတော့ ကျွန်တော်တို့မြန်မာနိုင်ငံဟာ ကမ္ဘာပေါ်မှာ သစ်တောထွက်သံယံဇာတ အလွန်ပေါကြွယ်ဝတဲ့နိုင်ငံတစ်နိုင်ငံဖြစ်ပါတယ်။ ကျွန်းသစ်၊ ပျဉ်းကတိုး၊ သစ်ရာ၊ အင်ကြင်း၊ ပိတောက်၊ မဟော်ဂနီတမလန်းသစ်မွှေးပင်စတဲ့အပင်များဟာဒေသတွင်းပေါက်မြန်မာ့အရင်းမြစ်အပင်များဖြစ်ပါတယ်ကျွန်းသစ်တမလန်းသစ်မွှေပင်များဟာကမ္ဘာပေါ်မှာနာမည်ကြီးဈေးကွက်ဝင်သစ်များဖြစ်ပါတယ်။ ဒီလိုသစ်တောများကို မစိုက်ပျိုးပဲဘာကြောင့် ယူကလစ်ပင်များကို အစားထိုးစိုက်ပျိုးဖို့ လုပ်နေကြလဲ။ ခုတော့ပြောင်းပြန် ကျွန်းကိုခုတ် ယူကလစ်ကိုစိုက်လုပ်နေကြပါတော့တယ်။
ယခုအစိုးရလက်ထက်လွတ်တော်မှာလည်းဂန့်ဂေါလွတ်တော်ကိုယ်စားလှယ်ဦးလှဆွေမှယူကလစ်ပင်စိုက်ပျိုးရေးနဲ့ပတ်သတ်ပြီးကောင်းကျိုးဆိုးကျိုးများကိုမေးမြန်းခဲ့တယ်လို့သိရပါတယ်ဒါပေမယ့်ထုံးစံအတိုင်း ၀န်ကြီးက ယူကလစ်ရဲ့ ကောင်းကျိုးများကိုသာရှင်းလင်းသွားခဲ့တဲ့အတွက် အရာမရောက်ခဲ့ပါဘူး။
ဦးနေ၀င်းလက်ထက်တုန်းကတော့ယူကလစ်ပင်များကိုစီမံကိန်းနဲ့စိုက်ပျိုးဖို့လုပ်ခဲ့ပြီးရေစုပ်လွန်းအားကြီးခြင်းမြေဆီမြေလွှာများပျက်စီးခြင်းတို့ရပ်နားခဲ့တယ်လို့သိရှိရပါတယ်ခုမှတစ်စခန်းထပြီးယူကလစ်ပင်က ဘယ်ကနေပြန်လဲရောက်ရှိလာတာလဲဆိုပြီး လေ့လာကြည့်လိုက်တော့ ၂၀၀၉ ခုနှစ်လောက်မှာ တရုတ်လူမျိုး ဂရိတ်ဝေါဦးတင်မောင် (ခ) လီဆန်ရှင်းရဲ့ ဂရိတ်ဝေါကုမ္ပဏီက စတင်ခဲ့တာဖြစ်ပါတယ်။ တရုတ်နိုင်ငံကနေယူကလစ်ပင်များကိုတစ်ရှူးမျိုးပွားခြင်း(TissueCulture)နည်းပညာတင်သွင်းလာခဲ့တာပဲဖြစ်ပါတယ်။ ပေါက်ဖော်တို့ဆိုတာနဲ့သဘောပေါက်လိုက်ပါတော့ကျွန်တော်တို့တိုင်းပြည်အတွက် အကျိုးရှိမယ့်ဟာဆိုရင်တော့ဒီနည်းပညာကိုသွင်းလာမှာမဟုတ်ပါဘူးဆိုတာမြန်မာပြည်သူတိုင်းနားလည်ကြမှာပါခုလည်းကြည့်လေတစ်ရှူးမျိုးပွားခြင်းနည်းပညာနဲ့ယူကလစ်လိုက်မယ့်အစားသူ့ထက်အဖိုးတန်အကျိုးရှိတဲ့ ကျွန်းသစ်တို့ တမလန်းတို့ သစ်မွှေးတို့စိုက်ပျိုးကြပါလား။ အဖြေကရှင်းရှင်းလေးပါ။
တရုတ်ဆိုတာမြန်မာနိုင်ငံအတွက်အကျိုးရှိမယ့်သိပ္ပံနည်းပညာစက်မှုနည်းပညာနဲ့ပတ်သတ်ပြီးဘယ်တုန်းကမှရင်နှီးမြှပ်နှံမှုမလုပ်ခဲ့ပါဘူးသဘာဝသံယံဇာတထုတ်ယူတာနဲ့ပတ်သတ်တဲ့လုပ်ငန်းတွေမှာပဲရင်နှီးမြှပ်နှံကြပါတယ်။ ခုလည်းကြည့်လေ သူတို့နိုင်ငံမှာစိုက်ရင် သဘာဝသံယံဇာတတွေပျက်စီးမှာစိုးလို့ ဘာမှနားမလည်သေးတဲ့မြန်မာနိုင်ငံမှာလာပြီးစိုက်ပျိုးဖို့အာဏာရှင်တွေနဲ့ပူးပေါင်းကြံစည်တာပဲဖြစ်ပါတယ်။ ရေအားလျပ်စစ်လာထုတ်ယူသလို အငှားကိုယ်ဝန်ဆောင်ခိုင်းတာပဲဖြစ်ပါတယ်။
ဂရိတ်ဝေါဦးတင်မောင်(ခ)လီဆန်ရှင်းဟာကသာနဲ့ထီးချိုင့်ဘက်မှာသစ်တောတွေရသလောက်အကုန်ခုတ်ခဲ့ပါတယ်မန်းလေးမူဆယ်လမ်းတစ်လျောက်ရှိသမျှသစ်တောတွေအကုန်ခုတ်ခဲ့ပါတယ်အဲ့ဒီနေရာတွေကို ယူကလစ်ပင်များအစားထိုးစိုက်ပျိုးဖို့လုပ်နေတာပါ။ ဒါ့အပြင်သူလိုချင်တဲ့ မြေနေရာတွေကိုလည်း ယူကစ်စိုက်ပျိုးရေးအတွက်ဆိုပြီးအကြောင်းပြအာဏာပိုင်တွေနဲ့ပေါင်းပြီးရယူခဲ့ပါတယ်အသိသာအထင်ရှားဆုံးကတော့ မန္တလေးမြို့လယ်မှာရှိတဲ့ ၇၃ လမ်းနဲ့ သိပ္ပံလမ်းထောင့်ရှိ ခေတ်တန်ကြေး သိန်းပေါင်း သိန်းနဲ့ချီ တန်ကြေးရှိတဲ့မြေနေရာကို ယူကလစ်စိုက်ဖို့ဘန်းပြပြီး သိမ်းယူထားတာပဲဖြစ်ပါတယ်။
ဒီလုပ်ရပ်ဟာအင်မတန်သိသာထင်ရှားရုပ်ဆိုးလှပါတယ်အခြားတန်းဖိုးမရှိတဲ့မြေနေရာတွေမှာစိုက်ပျိုးလို့ရတဲ့အပင်ကို ခုလိုမြို့လယ်ကောင်ကတန်းဖိုးကြီးမြေနေရာမှာ အခုလိုဘန်းပြဖျာခင်းရယူထားတာ မြို့သူမြို့သားတွေအတွက်အံ့သြစရာဖြစ်နေပါတယ်။ ဒီမြေနေရာကို ပြည်သူတွေအတွက် အကျိုးရှိမယ့်
စီမံကိန်းတစ်ခုခုလုပ်လို့မရဘူးလားဘယ်လိုချထားပေးထားတာနဲ့ပတ်သတ်ပြီးလည်းယနေ့ထိပြည်သူတွေမသိရှိရပါဘူး။ ဒီမြေနေရာကိုချထားပေးမှုနဲ့ပတ်သတ်ပြီး နောက်ကွယ်မှာအဂတိလိုက်စားမှုရှိမရှိ ရိုးသားမှုရှိမရှိ စုံစမ်းစစ်ဆေးသင့်တယ်လို့ယူဆပါတယ်။
ဦးတင်မောင်ဟာ ဒီလို အာဏာာပိုင်များနဲ့ ပူပေါင်းပြီးသိမ်းယူထားတဲ့မြေနေရာ အထက်မြန်မာပြည်မှာ ဧကသောင်းနဲ့ချီရှိတယ်လို့သိရပါတယ်သူ့ရဲ့စက်ရုံတွေတစ်ရှူးမျိုးပွားခြင်းသုနေသနလုပ်တဲ့နေရာတွေမှာလည်းတရားမ၀င်တရုတ်လူမျိုးတွေရာနဲ့ချီခန့်ထားတယ်လို့သိရပါတယ်မကြာသေးခင်ကပဲသူပိုင်ဆေးရုံတစ်ခုဖြစ်တဲ့ တော်ဝင်နှင်းဆီဆေးရုံမှာတောင် တရားမ၀င်တရုတ်ဆရာဝန်တွေ ခန့်ထားပြီး ဆေးကုသတာသိရှိလို့အမှုဖွင့်တရားစွဲဆိုခံခဲ့ရပါတယ်ဒီနေရာမှာလည်းတရားမ၀င်လာရောက်ကုသတဲ့ တရုတ်လူမျိုးဆရာဝန်တွေကတော့မန္တလေးလေဆိပ်ကနေလွယ်လွယ်ကူကူပဲထွက်ပြေးလွတ်မြောက်သွားတာ အံ့သြဖွယ်တွေ့ရှိရပါတယ်။ ဒီနေ့ထိလည်းပိုင်ရှင် ဦးတင်မောင်ကို အပြစ်ပေးအယူနိုင်ချင်း မရှိသေးပါဘူး။ မြန်မာနိုင်ငံရဲ့တရားဥပဒေစိုးမိုးမှုက မေးခွန်းထုတ်စရာဖြစ်နေပါတယ်။ ပြောရရင်တော့ မန္တလေးမြို့အပါအ၀င်အထက်မြန်မာပြည်မှာတော့တရုတ်လူမျိုးလီဆန်ရှင်းဟာအာဏာပိုင်လူကြီးမင်းများနဲ့ပေါင်းပြီး ထင်ရာစိုင်းလုပ်ချင်တာလုပ်နေတာကြပါပြီ။
ပေါက်ဖော်ကြီးရဲ့ယူကလစ်စိုက်ပျိုးရေးကတစ်ချက်ခုတ်နှစ်ချက်ပြတ်မဟုတ်ဘူးသုံးချက်တောင်ပြက်သွားပါတယ်အဖိုးတန်သစ်တောတွေလည်းကြိုက်သလောက်ခုတ်လို့ရတယ်မြေနေရာတွေလည်းရတယ်၊ သူတို့နိုင်ငံမှာ မစိုက်ချင်တဲ့ ယူကလစ်လည်း စိုက်ပျိုးထုတ်ယူလိုရသွားတယ်။ခုဆိုရင်ဂရိတ်ကုမ္မဏီနဲ့ သူ့ရဲ့ကုမ္မဏီခွဲဟွန်ဒါမြန်မာကုမ္မဏီတို့ကနေအထက်မြန်မာပြည်တစ်ခုလုံးယူကလစ်ပင်မျာစိုက်ပျိုးဖို့လုပ်နေပါတယ်နှစ်စဉ်ဧကထောင်ချီသောင်းချီပြီးစိုက်ပျိုးနေတာဟာကျွန်တော်တို့နိုင်ငံအတွက်အင်မတန်စိုးရိမ်စရာပဲဖြစ်ပါတယ်မြန်မာနိုင်ငံရဲ့မြေပေါ်မြေအောက်သဘာဝသံယံဇာတတွေဟာတရုတ်နိုင်ငံကထုတ်ယူလို့ ကုန်သလောက်နီးပါးရှိနေပါပြီ။ မြန်မာနိုင်ငံရဲ့ထိပ်တန်းစီးပွားရေးလုပ်ငန်းကြီးတွေကို လုပ်ပိုင်ခွင့်တွေကလည်းဒီတရုတ်လူမျိုးတွေပဲချုပ်ကိုင်လုပ်ကိုင်ခွင့်ရနေတာပါခုလည်းယူကလစ်ပင်တွေကိုစိုက်ပျိုးပြီး မြန်မာနိုင်ငံဖျက်ဆီးဖို့လုပ်နေကြပါပြီ။ ကျွန်တော်တို့မြင်အောင်ကြည့်ဖို့ လိုအပ်ပါတယ်။ တစ်ဦးတစ်ယောက် အဖွဲ့စည်းတစ်ခုကောင်းစားရေးအတွက် တိုင်းပြည်ဒုက္ခရောက်မယ့်ကိစ္စကို ဘယ်နည်းနဲ့မှ လက်ခံလို့မရပါဘူး။
သစ်တောတွေအတားအစီးမရှိခုတ်နေကြလို့ရာသီဥတုဖောက်ပြန်မိုးမရွာရတဲ့ကြားထဲရေသောက်ဘီလူးပင်တွေကို ထပ်စိုက်ကြအုံးမယ်ဆိုရင်တော့ လာမယ့်ရာစုနှစ်အနည်းငယ်အတွင် မြန်မာနိုင်ငံအလယ်ပိုင်းဒေသဟာ သဲကန္တာရဖြစ်သွားပြီး အပူပိုင်းဒေသရဲ့အိုအေစစ်မြို့တော်ဖြစ်တဲ့ ပြင်ဦးလွင်အပါအ၀င် တောင်ပေါ်ဒေသတွေရဲ့ ဂေဟစနစ်တွေ ပျက်စီးသွားတော့မှာဖြစ်ပါတယ်။ ရေ၀ဲရေလဲစနစ်တွေ သဘာဝပတ်ဝန်းကျင် ဂေဟစနှစ်တွေပျက်စီးပြီး မြန်မာနိုင်ငံရဲ့အသက်သွေးကြောဖြစ်တဲ့ ဧရာဝတီမြစ်ကြီးပါ သေဆုံးသွားနိုင်တဲ့အထိ ဖြစ်နိုင်ပါတယ်။
ယနေ့ကမ္ဘာပေါ်မှာရေချိုရှားပါးမှုကိုတွေ့ကြုံနေကြရပါပြီဒီယူကလစ်ပင်တွေကိုမထိန်းသိမ်းပဲစိုက်ပျိုးကြတော့မယ်ဆိုရင် ကျွန်တော်နိုင်ငံဟာ စင်္ကာပူလိုရေ၀ယ်သောက်ရတဲ့တိုင်းပြည်ဖြစ်သွားပါလိမ့်မည်။ အိန္ဒိယနိုင်ငံရဲ့ပြည်နယ်တစ်ခုမှာဆိုရင်လယ်သူသမားတွေဟာယူကလစ်အပင်ကြောင့်သူတို့လယ်မြေတွေပျက်စီးတဲ့အတွက်မခံနိုင်တဲ့အဆုံးယူကလစ်တော်လှန်ရေးဆိုပြီးယူကလစ်အပင်အားလုံးခုတ်လှဲဖျက်စီးပစ်ခဲ့ပါတယ်။ ဒီအခြေအနေထိမရောက်ခင် တာဝန်ရှိသူများနဲ့ ပညာရှင်များတွေ့ဆုံဆွေးနွေး အဖြေရှာဖြေရှင်းသင့်ပါပြီ။
ကျွန်တော်တို့နိုင်ငံမှာ စစ်အာဏာရှင်လက်ထက်တုန်းကလည်း ပြည်သူတွေကိုလိမ်လည်လှည့်ဖြားပြီး အကျိုးမရှိအသုံးမ၀င်တဲ့ကြက်ဆူပင်တွေကိုတစ်နိုင်ငံလုံးစိုက်ပျိုးခိုင်းခဲ့ပါတယ်ဒီနေ့မှာဘာကောင်းကျိုးမှမပေးခဲ့တဲ့ကြက်ဆူပင်နဲ့ပတ်သတ်ပြီးဘယ်သူမှတာဝန်ယူမယ့်သူမရှိခဲ့ပါဘူးခုလည်းကြက်ဆူပင်ထက်ဆိုးတဲ့တိုင်းပြည်ကိုပျက်စီးစေမယ့်ယူကလစ်ကိုပြည်သူတွေကိုအယုံသွင်းလှည့်ဖြားပြီးစိုက်ခိုင်းနေပြန်ပါပြီ။ ယူကလစ်ဟာကြက်ဆူပင်ထက်ဆိုးတာကိုတော့ သိထားဖို့လိုပါတယ်။ကျွန်တော်တို့နိုင်ငံ ပျက်စီး ဒုက္ခရောက်သွားစေနိုင်တဲ့ကိစ္စဖြစ်ပါတယ်အချိန်မှီမထိန်းသိမ်းရင်နွေရာသီရောက်တိုင်းရှေရှားပါးမှုဒုက္ခ
ကြုံတွေ့နေရတဲ့မြန်မာနိုင်ငံအလယ်ပိုင်းဒေသကပြည်သူတွေကိုအရင်ဆုံးအကြီးအကျယ်ဒုက္ခတွေ့စေပါတော့မယ်ဒါကြောင့်အစိုးရရောပြည်သူတစ်ရပ်လုံးကပါအမျိုးသားရေးအသိနဲ့အမြန်ဆုံးတားဆီးကာကွယ်ကြဖို့ နှိုးဆော်အသိပေးလိုက်ရပါတယ်။
- ကျော်ကြီး(MDY)
(ကိုးကားဒေါက်တာကျော်သန်းထွန်းဆရာခန့်ဇော်ထက်ဆရာမနေထက်ထက်အောင်တို့ရဲယူကလစ်ပင်ဆောင်းပါးများ)
ဓာတ်ပုံ=မန္တလေးမြို့၇၃လမ်းနဲ့သိပ္ပံလမ်းထောင့်ရှိဂရိဝေါကုမ္မဏိရဲ့ယူကလစ်စိုက်ပျိုးထုတ်လုပ်ရေးစခန်း
